Ég er að deyja úr forvitni og mig langar rosalega að fá að vita hverjir eru að skoða bloggið mitt og til að slökkva forvitni mína þá langar mig að biðja alla þá sem skoða bloggið mitt um að kvitta fyrir heimsókninni

Kossar og knús

Hmmmm það er búið að vera nóg að gera svo sem sýningarnar á Rockubusku í vor gengu þrusu vel og fóru fram úr okkar björtustu vonum og höfðu allir gaman af sérstaklega Gleðigjafarnir og stóðu þau sig eins og hetjur og var æðislegt að vinna með þeim núna þarf maður að fara að leggja höfuðið í bleyti og fá einhverjar hugmyndir af nýju verkefni handa þeim enda fæ ég spurninguna "hvenær ætlum við að fara að leika aftur" í hvert skipti sem ég hitti þau

Af okkur er það að frétta að Friggi fór til Færeyja í sumar á tuðrum ásamt stórum hóp ævintýrafara.
Síðan fórum við með Ingibjörgu og Einari til Englands í húsbátaferð í tvær vikur frábær ferð í alla staði og væri ég alveg til í að fara aftur.
Einnig fórum við með þeim á danska daga og var gaman að upplifa tjaldferðalag (reyndar í tjaldvagni) aftur langt síðan síðast hehehe
Svo gekk lífið bara sinn gang þangað til 15 okt þá kviknaði í lifró og húsið okkar fylltist af reyk og tók við að þrífa og þrífa og fluttum við til mömmu og pabba á meðan og loks eftir um tvær vikur þá gátum við flutt aftur inn og erum enn að klára að koma okkur fyrir aftur þannig að jólahreingerningin er að verða búin á þessum bæ
Já svo það hefur ýmislegt drifið á okkar daga hér á eyjunni fögru.
Friggi er að vinna í vinnslustöðinni og nóg að gera hjá honum síld og saltfiskur á víxl unnið alla daga vikunar og fær maður að sjá hann örlítið á kvöldin.

Jæja ég ætla að láta þetta duga í bili

Kossar og knús

Það er búið að vera frábært veður á paradísareyjunni og sumarið loksins farið að láta sjá sig.

Aðalfundur Leikfélagsins var haldinn í gær og lét ég af störfum í stjórninni og er núna með nægan tíma til að ditta að húsinu og garðinum sem veitir ekki af smá upplyftingu. Bílskúrinn er einnig á listanum, þannig að það er nóg að gera framundan. 

A.T.H. Breyttur tími á miðvikudagssýningunni
Mikil eftirspurn er búin að vera á aukasýningu á Rockubusku og verða tvær sýningar í vikunni á þriðjudaginn  19.maí klukkan 20:00 og miðvikudaginn 20. maí klukkan 18:00, en þetta eru síðustu sýningarnar á leikritinu og er ég í skýjunum með viðtökurnar  og ýkt ánægð með krakkana enda eru þau sannar hetjur miðapantanir eru í síma 481-1940.

Annars er bara allt gott að frétta héðan og allir kátir og hressir.

MYNDBAND:

Klikkið á til að sjá myndband Gleðigjafar stíga á fjalirnar

Frumsýna nýtt leikrit 2. maí næstkomandi í samstarfi við Leikfélag Vestmannaeyja

opUp('newsimg.php?id=28567')">   Gleðigjafarnir ásamt leikstjóranum. Það er mikið fjör í Bæjarleikhúsinu þessa dagana er verið er að vinna að leikritinu um Rokkubusku. Verkið er frumsamið af félögum í Leikfélagi Vestmannaeyja og leikhópnum Gleðigjafarnir en hann skipa fatlaðir listamenn. Það vantar þó ekkert upp á listræna túlkun í leikritinu og var mikil gleði á æfingunni þegar fréttamann Eyjafrétta bar að garði. Dagmar Ósk Héðinsdóttir leikur eitt aðahlutverkanna, Rokkubusku en aðrir leikendur eru m.a. Júlíana, Guðríður, Ylfa, Anton og Guðni Davíð. Alma Eðvaldsdóttir hjá Leikfélagi Vestmannaeyja hefur haft yfirumsjón með leikgerðinni en hún er ennfremur leikstjóri. Áætlað er að frumsýna verkið 2. maí næstkomandi.

Já sko mig, búin að breyta um útlit og er að skrifa blogg. Eitthvað sem ég hef ekki gert í marga mánuði.
Annars sýnist mér á öllu að facebook sé tekið við en ég er nú svo vitlaus að ég er ekki alveg að sjá tilganginn með facebook, jú þetta er rosalega sniðugt til að finna gamla vini. En allt þetta aukadót senda hinum og þessum blóm, pota í hinn og þennan og svo framvegis er ég ekki alveg að fatta en svona er maður bara vitlaus

Af okkur er allt gott að frétta Friggi er að vinna í Vinnslustöðinni eins og er, og vonum við að hann fái fastráðningu þar sem fyrst.
Það er alltaf nóg um að vera hjá mér, en samt hefur nú letin alveg látið á sér kræla síðustu mánuðina ég held að það stafi af sólarleysi og nú fer þetta að koma þar sem þessi gula er farin að tolla lengur uppi.
Ég þarf að fara til Reykjavíkur þann 13 mars n.k. og verð fram yfir helgi og ætla ég að reyna eftir bestu getu að kíkja á fólk sem ég hef ekki hitt í marga mánuði og suma í mörg ár. Var reyndar að pæla í að leigja sal og segja öllum að koma þangað þá þarf maður ekki að vera á endalausum þeyting, en ég læt mig nú hafa það. A.T.H. þeir sem ég kem ekki til sorry ég kem næst það er bara visst mikið sem maður getur afrekað á stuttum tíma ég held ég byrji á Reykjanesinu í þessari ferð og færi mig svo upp í næstu ferðum er það bara ekki ágætisplan?

Jæja ég er nú loksins búin að blogga smá og skemmtilegt fyrir þá sem kíkja hér reglulega inn að sjá eitthvað nýtt frá mér gaman að það sé ennþá til fólk sem einfaldlega nennir að kíkja á bloggið mitt því það hefur ekkert gerst á því í marga mánuði við það fólk vil ég einfaldlega segja Takk fyrir að halda trúnni á mig að ég muni blogga fyrr eða síðar hehehehe

Kossar og knús
og munum að hugsa jákvætt

Alma

Já það er vægast sagt búið að vera nóg að gera hjá mér síðasta eina og hálfa mánuðinn.
Enda held ég að lögheimilið mitt sé komið uppí leikhús hehehe en eins og einhverjir kannski vita þá er ég ásamt Evu búin að vera að leikstýra jólaleikriti með rúmlega 50 manns í hlutverkum og búið að vera rosalega skemmtilegt hjá okkur og nú líður senn að frumsýningu en hún verður 6.des n.k.
Þannig að ég hvet ykkur til að koma í leikhúsið og sjá sýninguna.

Já það er nú það, það er svo langt síðan að ég bloggaði síðast að ég veit varla hvar ég á að byrja.

Ferðin í sumar "Kraftur í kringum Ísland" gekk mjög vel og var hún mjög skemmtileg og kynntumst við fullt af skemmtilegu fólki og fórum á fallega staði. Annars getið þið lesið ferðasöguna á krafturikringumisland.com

Sumarið var mjög fljótt að líða og maður vaknaði bara einn daginn og úps sumarið búið og haustið og veturinn tekin við.

Ég lét undan þrýstingi og er byrjuð aftur í Leikfélaginu en ég ætlaði að taka mér smá frí frá því en lét svo til leiðast og erum við nú að æfa jólaleikrit sem ég skrifaði ásamt Arndísi, Steinunni og Evu sem ber heitið Grýla gerir uppreisn. En ég er einnig að leikstýra verkinu ásamt hópnum. Um 50 krakkar eru í hlutverkum og því mjög skemmtilegt í Leikhúsinu um þessar mundir.

Já ég hef nú varla frá neinu meira að segja í bili þannig að ég held að ég hætti nú bara þessu bulli í bili og aldrei að vita nema að ég verði duglegri að skrifa eitthvað hérna hehehe.

Kossar og knús
Alma

Það er búið að vera í nógu að snúast hjá okkur nú uppá síðkastið enda styttist óðum í ferðina okkar og hvet ég ykkur til að fylgjast með okkur á www.krafturikringumisland.com en aðeins eru nú 19 dagar í þetta.

Þetta er alltof fljótt að líða annars var mér sagt að þegar maður eldist þá eru dagarnir fljótari að líða ég vill ekki trúa því ég er svo ung, alla veganna í anda

 

Ég veit aldrei hvað ég á að skrifa í þennan titil.

Prófin eru byrjuð og er ég búin að ná einu alla veganna sem er frábært, þar sem ég var illa undirbúin undir það próf
Og mig hlakkar ekkert smá til að vera búin í prófum og njóta sumarsins víhíííí

Það er nú ekki mikið búið að vera að gerast hjá okkur hjónakornunum nema að Friggi er búinn að vera að vinna og ég í skólanum og svo auðvitað að undirbúa ferðina í sumar, sem gengur aftur á móti mjög vel og eru bara nokkrir lausir endar eftir og klárast að hnýta þá saman núna fljótlega.

Ég verð nú að deila með ykkur því skrýtnasta sem ég hef séð við fórum á rúntinn áðan og keyrðum niðrá brygju þá fer Friggi að hlægja og segir "er þetta pysja??" og ég alveg hahaha fyndinn. Heyrðu NEI NEI var þá ekki bara LUNDI á bryggjunni hmmm ég held að hann hafi eitthvað ruglast í ríminu ekki nema að hann hafi verið að rifja það upp með sjálfum sér þegar að hann var pysja hehehe hvað haldið þið?

Jæja ég nenni ekki að skrifa meira

ætla að fara að læra smávegis
Kossar og knús
Alma

Jæja ég er að trassa skólann nenni ekki að læra undir próf í jarðfræði og dönsku sem eru á morgun og fann þá allt í einu þá afsökun að blogga hahahahhah en ég hef voða lítið að segja svo sem en ég ætla að setja linka hérna inn sem þið verðið að skoða ég græt úr hlátri í hvert skipti sem ég sé þetta hahahahahah 

Þið verðið fyrst að horfa á þennan 
 http://www.youtube.com/watch?v=MYllzQPQp78

Og svo þennan hahahahahahahahaha
http://www.youtube.com/watch?v=iehhNLDeWaA

og æfið ykkur svo í dansinum.

Kossar og knús
Alma

Það er búið að vera nóg um að vera á þessum bæ enda verið að skipuleggja ferðina á fullu fyrir sumarið og gengur það bara ágætlega fórum í bæinn um síðustu helgi tila ða hitta nokkra styrktaraðila og féngum afhenda talstöð frá R. Sigmundssyni.
en endilega kíkið á heimasíðu ferðarinnar www.krafturikringumisland.com

Ég verð að viðurkenna að mig er farið að hlakka mikið til að verða búin með þessa önn í skólanum enda hef ég haft nóg annað að gera en að liggja í skólabókunum þannig að ég verð ánægð ef ég næ 5 á prófunum.

Það var nú sorgardagur í gær hjá okkur en við þurftum að láta fuglana okkar fara á betri stað vegna þess að þeir fengu svokallaðan nefmaur og er ég búin að reyna allt til að losa þá við þetta en það var komið út um allt á þeim greyjunum og kláðin sem fylgdi þessu greinilega orðin þeim óbærilegur og þeir voru farnir að missa hluta af tánum sínum og ég gat ómögulega horft upp á þetta svo við leyfðum þeim að fara litlu krúttunum.

Annars gengur lífið bara sinn vanagang hér

 kossar og knús
Alma og Friggi

Jæja það er orðið svolítið langt síðan að ég skrifaði eitthvað hérna seinast en nú kemur smá innlegg.

Við fórum í fyrstu tuðruferðina á þessu ári 15 mars síðast liðinn með mömmu og pabba og var ansi kalt en sléttur sjór. Við vorum nýkomin út úr innsiglingunni þegar við sáum Huginn Ve á reki og ákváðum að sigla nær honum og þar var okkur boðið í afmæliskaffi um borð því einn úr áhöfninni átti afmæli og ég og mamma vorum algjörar hetjur og klifruðum upp utan á skipinu og komumst upp heilar á höldnu, en ég verð að viðurkenna það að ég dó næstum því úr lofthræðslu og ég skil það núna þegar fólk talar um að hafa verið lamað af hræðslu, því í efsta þrepinu þá fann ég að líkaminn var tilbúin til þess að gefast upp og var ég farinn að missa máttinn og þurfti pabbi og strákarnir sem voru þarna að tosa mig upp í bókstaflegri merkingu og skalf ég eins og hrísla í svona hálftíma á eftir hahahahaha en ég lifði af.  Gunni leyfði okkur mömmu svo bara að síga niður í bát sem þeir eru með um borð. Takk fyrir Kaffið Huginsmenn. Það verður samt svolítið langur tími þangað til ég fer aftur að klifra svona hahaha.

Annars er bara allt gott að frétta páskarnir voru frábærir og komu Ragnar bróðir og fjölskylda til eyja og Hildur og Ingi gistu hérna hjá okkur og horfðum við á hryllingsmyndir bara svona til að rifja upp gamla tíma BBúúúúúúúuhhhhhh.  

Svo erum við að undirbúa ferðina í sumar Kraftur í kringum Ísland og gengur það ágætlega og er mikil tilhlökkun í hópnum. Erum komin með heimasíðu í kringum hana og linkurinn er hér hægra megin.

Jæja ég held ég fari nú að hætta þessum skriftum og fari út og njóti veðursins sem er mjög gott þessa stundina.

Kossar og knús
Alma og Friggi.

Við vorum að setja nýjar/gamlar myndir inná Flikcr síðurnar okkar.

Annars er bara allt gott að frétta héðan og allir kátir og hressir.

Mamma á afmæli á morgun og svo fara þau hjónakornin til útlanda eftir nokkra daga ég öfunda þau ekkert mér finnst eiginlega bara svindl að þau bjóði nú ekki einkadótturinni með sér til útlanda en ég man þetta bara næst þegar að ég fer hahahahahaha djók

Við erum bara búin að vera að dingla okkur eitthvað um helgina og  voða lítið gert en að hanga í tölvunni og setja inn myndir og sortera og eitthvað að brasa, þannig að ég held að það sé komin tími til að fara að gera eitthvað spennandi núna og hvíla tölvuna kannski næstu klukkutímana eða svo. Ég bið að heilsa í bili og ætla að fara að brasa eitthvað skemmtilegt kemur í ljós hvað það verður.

Kossar og knús
Alma.

Já nú er ég farin að vona að vorið komi brátt ég er svo leið á þessum snjó og kulda.
Skólinn gengur bara vel og er ég komin í frí frá Leikhúsinu um sinn.
Flökkueðlið er alveg að fara með mig þessa dagana og langar mig geðveikt til að fara aftur af stað og skoða heiminn en jarðbundni maðurinn minn er ekkert hrifinn af þeirri hugmynd hahahahaha en aldrei að vita hvað framtíðin ber í skauti sér.

Jæja nenni ekki að blogga meir

Já ég hef alveg verið á fullu í blogginu síðustu vikurnar en ég er nú að bæta mig aðeins með þessari færslu.

Það er allt fínt að frétta héðan úr snjónum sem er nú búinn að staldra aðeins of lengi við hér á eyjunni fögru og ég myndi alveg sætta mig við aðeins hlýrra veður enn enn annars er þetta bara fínt, það gæti verið verra.

Við hjónakornin erum bæði búin að setja upp flickr síður en fyrir þá sem ekki vita þá er það ljósmyndasvæði hér á netinu og þið getið skoðað myndir frá okkur þar ég set linkinn hér til hliðar.  Við erum nú ekki búin að seta inn margar myndir en þetta kemur hægt og rólega

Jæja ég ætla að láta þetta duga í bili og ekki að drekkja ykkur í endalausu bulli um mest lítið

Kossar og knús

Alma og Friggi.